العصيده بالصور من مطبخي...عجيبه مع هالبرد::

[انوثه ملكة الليل]

حياكم الله اخواتي ...


اول مره انزل في هذا القسم



للامانه الطريقه هي اساسا من الاخت Pasta بمنتدى عالم حواء

وانا طبقتها الحمد لله طلعت حلووووه

المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن او زبده مب زيت ..حلاته مع الدهن يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب .


اخليكم مع الصوررر


http://www.3roos.com/uploder/uploded20080901/238223/01230584693.jpg

http://www.3roos.com/uploder/uploded20080901/238223/11230584693.jpg

http://www.3roos.com/uploder/uploded20080901/238223/21230584693.jpg

http://www.3roos.com/uploder/uploded20080901/238223/31230584693.jpg

[نور فاطمة]

ما شاء الله من شكلها اتبين لذيذة,,,

طلعتين طباخة ماهرة ,,,

و أن شاء الله انشوف ابداعاتش في ايام القادمة,,,

[احلى ولاء]

يسلموووووووووو خيوووووووو واااااااو شكلها عجيبة


خخخخخخخخخخ امس ريوقي عصيدة بس شكلها عصيدتش احلاااااااا

لاني اول مرة اسوي عصيدة

[درة الشيعة]

تسلمييين خيتي ع الطرح و المجهود

بارك الله فيج

,, دمتِ كما تحبي ,,

[دموع الزهراء]

تســلم الايـــــــــادري


باألــــــــــف عافيـة

[cute mother]

وااااو

صار خااطري فيها عددل

تسلم الايادي

[Fate88]

والله صار خاطري فيها عدل


طرشي لي صحن ههههههه


معذورة من الجوع :(

[حيدريه]

يمي يمي

ما شااااااااء الله
شكلهااا لذيييييذه

تسلم ايدش خيتوو
وننتضر الابدااااااااعااااات الجاايه

[انوثه ملكة الليل]

نور فاطمه ,,,

ان شا ءالله اوصل لمستوى كلمة ((طباخه))

ان شا ءالله راح انزل اطباقي في الايام الجايه
شرفتيني بمرورج صفحتي

احلى ولاء,,,
الله يسلمج حبيبتي وعليج بالف عافيه على عصيدتج طيب جربي طريقتي وحكمي ^ _^

دره الشيعه,,,
الله يسلمج حبيبتي شكرا لمرروج موضوعي..!

دموع الزهراء,,,
الله يسلمج حبيبتي والله يعافيج

cute mother (http://www.noorfatema.com/vb/member.php?u=52) ,,,
الله يسلمج ..مره ثانيه اذا سويتها بطرش لج صحن خااااااااااص فيج ^_^

Fate88 (http://www.noorfatema.com/vb/member.php?u=100)

ولا يهمج حبيبتي انتي بس آمرررررري واني اجيبه برسم الخدمه ههههههه

حيدريه,,,
الله يسلمج حبيبتي ماعليها كلام طبقيها وشوفي النتيجه ..

[نوراء 98]

شكلها شهي وخصوصا مع هالبرد وأخت زوجي تسويها شوي حاره فلفل وتسلمين كان خاطري أتعلمها

[nono moon]

صار خاطري بصحن
تسلم إيدك أختى انوثه ملكه الليل

[ريحانة]

واوو صار خاطري فيها عدل

تسلم ايدش

[loole]

امبي عصيده

مشكوؤه خيييييو تسلم ايدج شكلها لذيذه

[*Rose*]

صار خاطررري فيها

تسلم ايدش خيوووو

[عنوني]

الله يعطيش الف عافيه خيو

في الأكلات الشعبيه اني كلش ما اعرف اسوي شي

راح اسوي العصيده خصوصا زوجي يحبها ويحب كل شي شعبي

[دمعة رقية]

ماشاء الله شكلهاااااااااااااااا امممممممممممم
صار خاطري فيها عدل:d31:
يسلمووووووووو

[ام عيسى]

يعطيج الف عافيةm11111m11111

[عاشقة محمد]

مشكورة غلا على العصيده الحلوووووووو
ربي يعطيك الف عافيه

[حروف فاطم]

واو والله مبين ع شكلها انها حلوة
بس اكيد حلوة لانها انصنعت من يدك
تسلمين حبيبتي موضوعك اكثير مميز

[ام عيسى]

يعطيج العافية

[عاشقة العتره الطاهره]

بِـسْـمِ اللّهِ الـرَّحْـمـنِ الـرَّحِـيـمِ
اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ، وَاكْفِني ما اَهَمَّني مِنْ اَمْرِ الدُّنْيا وَالاخِرَةِ يا اَرْحَمَ الرّاحِمينَ

http://www.s3udy.net/pic/thankyou006_files/51.gif

دًٍمًتُِِّْمً بٌَِخٌِيَرٌٍ ،،


نْسٌِِّآلكَمً خٌِآلصٍْ آلدًٍعًٍآء

تحيـــــــــــــــــــ عاشقة آل البيت(ع) ـــــــــــــــــــــــاتي

[انثى المشاعر]

الــــــــــــــــــــــلاي ......

صار خاطري فيها .. //

يمي يمي ..

يسلمو ع الطرح