بنات طلبتكم ساعدوني

[Fatimah Ali]

السلام عليكم
بنات انا زواجي قريب وحابه تساعدوني
كيف اطلب من زوجي مصروف لانه حابة يكون عندي مصروف شهري
لكن خايفة يقولي عندك مكافأة الجامعه والمكافأه تروح على الملابس
والكتب واكيد احتاج اذا رحت مع اهلي السوق او في خاطري شي واستحي اطلب منه
والمكافأه ماراح تدوم لانه في النهاية بتخرج وتنقطع المكافأة


ومتخووفه من شي ثاني انو يسألني ابووك يعطيك مصروف والصراحه ماكان يعطيني كان اذا
طلبت مايقصر يعطيني لكن مرات استحي واخذ من مكافأتي
فأذا قلت له مايعطيني اخاف اهو مايعطيني
ويقوول لي كنتي عايشه بدون مصروف شنو تغير
وانا ماابي اكذب عليه واقووله كان يعطيني


بلييييييييييييز ساعدوني محتاره كيف اتصرف
وشنو اقوول اذا قال المصروف ماله داعي اذا احتجتي شي اطلبي مني
وعندي سؤال متى اطلب المصروف يعني بعد اسبوع من الزواج او شهر



عارفه اني طولت عليكم
بس لاني اعتبركم مثل خوااتي

[تفاؤل و أمل]

اللهم صل على محمد وال محمد
مبروك الزواج عزيزتي وموضوع حساس

متطلبات الحياة كثيرة وش اللي بيكفي هل مكافة كافي مصاريف الدراسة

لكن عزيزتي بتفاهم ينحل كلشي اجلسي معاه وكلمي وطلبي منة

وان شاءلله راح يتغير كلشي وتكون الامور تمام ان شاءلله

اجلسي معاه جلسة

[ورده القطيف]

عادي انت زوجته وهو ملزوم يصرف عليك
بيني له اذا كنتي تستحي بطريقه غير مباشره انك تحتاجي والي عندك ما يكفي
موفقه

[غريبة الاوطان]

الف الف مبروك اختي فطوم اولا الحياة الزوجية هي مشاركة بكل شئ
ما يحتاج انك تخافين من زوجك والمراة الشاطره تعرف تكسب قلب الرجل
وانت يا الغالية لا تقوليله مباشرة لفي ودوري بالكلام الطيب وبعدين قوليله
ان الحياة صعبه والوحده ما تقدر علي المصاريف وان مصرفكم انت وهو واحد
ولا تذكرين اهلك واذا سالك قولي ما قصروا معاي وبالازمات يوقفون معاك
وصج انت مو قايله اي شئ كذب يعني مراوغه بالكلام بس بذكاء
وان شاء الله ما تحتاجين لاحد الموضوع خوذيه بكل سهوله وبساطه
واتمني الله يوفقك بحياتك ويجعل ايامك كلها سعادة

[فاطمة الريان]

اهلا عزيزتي

الف الف مبرووووووك الزواج مقدما

في البداية طبعا راح تستحين شوية من اطلبين من عندة شي

لكن في مرور شهرين او ثلاث راح تتعودين علية وتصير عندج عادية الشغلة اطلبين من عندة

اضربينة هههه .. واذا طلبتي وما نفذ اولي راح تصير عركة اكيد هههه امزح

في البداية راح يكون بعدج جديدة عالتجربة لكن في تقدم الايام راح تتعودون على بعض

وتكدرين اطلبين من عندة بكل سهولة

وهو زوجك مجبور يصرف عليج

وعندي الج نصيحة لا تتكلمين على اهلج قدامة ميصير ابدا اوكي

بالتوفيق

[أوراق الخريف]

اختي مبروك مقدما
هو لازم يصرف عليش من ينكتب العقد
فهو يصير ولي امرش مو ابوش
و على قولتنا الكلمة الي تستحي منها بدها
و هو ملزم يعطيش مصروف .. قولي له
حتى الملابس من عنده ... و لو كانت الجامعة تعطيكم
فهي اليش مو اله يعني حتى هالاشياء هو الي يشتريها
بس مو تستحين ترى الرجال لين ما اخذتين منه من البداية
ما راح يسألش مرة ثانية و تالي حتى لو الله رزقكم اطفال راح تصرفين عليهم
اعرف ناس غلطوا و سكتوا .. بس انتي لا تقعين في هالموقف :)